سی آر پی ایف میں سپاہیوں کے 36000 عہدے ختم
نئ دہلی26ستمبر:ملک کے سب سے بڑی نیم فوجی دستہ ’سی آر پی ایف‘ کی نئی کیڈر تجزیاتی رپورٹ کو منظوری مل گئی ہے۔ یہ کیڈر تجزیہ گروپ ’بی‘ اور ’سی‘ کے تحت آنے والے ایگزیکٹیو عہدوں کے لیے کی گئی ہے۔ اس تجزیہ کے تحت سی آر پی ایف میں عام ڈیوٹی کے سپاہیوں کے 36524 عہدہ ختم کر دیے گئے ہیں۔ اس وقت سی آر پی ایف میں عام ڈیوٹی کے سپاہیوں کے 166717 عہدے منظور ہیں۔ لیکن اب نئی کیڈر تجزیاتی رپورٹ کے نافذ ہونے کے بعد یہ تعداد گھٹ کر 130193 رہ جائے گی۔ سی آر پی ایف کی تاریخ میں ایسا پہلی بار ہوا ہے جب فورس میں ایک بار میں اتنے بڑے پیمانے پر سپاہیں کے عہدے ختم کر دیے گئے ہیں۔ تنا ہی نہیں اس کیڈر تجزیاتی رپورٹ میں نئی بحالیوں کا کوئی انتظام نہیں رکھا گیا ہے۔ حالانکہ اس تجزیہ میں سپاہی سے لے کر صوبیدار، میجر، انسپکٹر تک کے 40780 نئے عہدوں کا انتظام کیا گیا ہے، لیکن دوسری طرف موجودہ 42278 عہدوں کو ختم بھی کر دیا گیا ہے۔
اس وقت سی آر پی ایف میں صوبیدار، میجر، انسپکٹر (ایگزیکٹیو) کے 3275 عہدے منظور ہیں۔ اس درجہ میں 2996 نئے عہدوں کو منظوری ملی ہے۔ نئی کیڈر تجزیاتی رپورٹ کے بعد فورس میں صوبیدار، میجر، انسپکٹر (ایگزیکٹیو) کی کل تعداد 6271 ہو جائے گی۔ وہیں فورس میں سب انسپکٹر (ایگزیکٹیو) کے 8988 نئے عہدوں کو منظوری ملی ہے۔ حال میں اس درجہ میں 8415 عہدہ کو منظور کیا گیا ہے۔ نئی کیڈر تجزیاتی رپورٹ کے بعد اب فورس میں سب انسپکٹر (ایگزیکٹیو) کی تعداد 17403 ہو جائے گی۔
اس کے علاوہ فورس میں موجودہ اے ایس آئی کے 17031 عہدوں کو بھی نئی کیڈر تجزیاتی رپورٹ میں بڑھایا گیا ہے۔ اس درجہ میں 5754 عہدوں میں اضافہ کی بات کہی گئی ہے۔ اس طرح نئی کیڈر تجزیاتی رپورٹ کے بعد فورس میں اے ایس آئی کی کل تعداد 22785 ہو جائے گی۔ وہیں حولدار (ایگزیکٹیو) کے موجودہ 42987 عہدوں کو بڑھاتے ہوئے 60275 عہدہ کرنے کا فیصلہ کیا گیا ہے۔ نئی رپورٹ میں حولدار (ایگزیکٹیو) کے 5754 عہدہ ختم کرتے ہوئے 23042 نئے عہدوں کو منظوری دی گئی ہے۔ اس طرح اب نئی کیڈر تجزیاتی رپورٹ کے نافذ ہونے کے بعد سی آر پی ایف میں صوبیدار، میجر، انسپکٹر سے لے کر سپاہی تک کے 236927 عہدے ہو جائیں گے۔ موجودہ وقت میں ان درجوں کے کل عہدوں کی تعداد 238425 تھی۔ اس طرح کل عہدوں کی بات کریں تو بھی سارا جوڑ-گھٹاؤ کرنے کے بعد تقریباً 1500 عہدے ختم ہو رہے ہیں۔